朱慧敏望再開分店無暇拍拖

藝人朱慧敏現身食店開幕禮，一直有投資餐廳的她被問到會否計劃開新店？她表示：「我尋日喺台慶見到（前男友兼生意拍檔）Eddie，有大家計劃再開分店，但要好多嘢配合，請人有一定難度。（你有好多本錢？）我有其他拍檔，預計要攞六、七位數，所以要積極搵錢，我又要供樓，仲想買多層樓。（餐廳有冇賺錢？）有，賺咗錢又用嚟開另一間，計埋澳門，依家有五間，目標係開到成行成巿。」

回復單身的她被問到有否追求者？她稱沒有，因為要積極搵錢，沒有時間。問到可會因為單身，而多了富豪飯局的邀約？她說：「之前有，要約嘅就唔理你係單身定雙身。」她又指自己有意開甜品店及修讀碩士課程，不會多想感情事。問是否被Eddie傷害得太深所致？她否認：「唔係，每個年紀要嘅嘢唔同。」