即將為御藥堂擔任第七年代言人的藝人苗僑偉，今日到港交所見證它從兩年前創業牌升上主牌：「大個仔喇！（公司配股？）喺晒老闆度，我隨時打開個夾萬我就有㗎喇！」

問到他的投資心得，苗僑偉就笑稱對股票並不熟識，更直認主要交由太太戚美珍（三嫂）打理：「你問我，我真係唔知。（三嫂最近忙拍戲？）譚詠麟（阿倫）同佢玩吓咋嘛，唔係好多，幾日戲，應該都未開工。（三嫂同阿倫拍親熱戲？）佢話阿倫着t-back，佢着三點式，如果可行嘅都幾有可觀性，幾睇得吓㗎。（介意？）我諗佢辦唔到呢件事，第一阿倫唔會着t-back，而三嫂想着三點式亦冇一件三點式啱佢着。」

提到苗僑偉何時回無綫拍劇時，他即表示正洽談當中，不過對於開拍無綫劇《使徒行者》第2集，他則笑言只透過新聞得知。僑偉作為「五虎」成員之一，湯鎮業早前接受傳媒訪問時透露過有意再次聯合「五虎」合作，苗僑偉說：「期待啦，無論劇又好，戲又好，五虎可以再合作係好開心，希望啦。」