離港拍劇兩星期！陳凱琳開口叫嘉穎陪

藝人陳凱琳（Grace）、蕭正楠、陳展鵬及田蕊妮等，現身機場出發到日本沖繩拍攝無綫劇集《巨輪II》外景。Grace表示會於當地逗留兩星期，更透露男友鄭嘉穎無睱探自己班：「我媽咪都去陪我一星期。（鄭嘉穎呢？）佢喺香港有嘢做，今次過唔到嚟。（你叫過佢嚟陪你？）好隨意，冇嘢做咪嚟。」

誘蕭正楠齊裸泳

談到外景特別場口時，Grace表示會於劇中主動邀請蕭正楠齊齊裸泳，認真香艷！她開玩笑稱要搵替身上陣：「我會跳落水，再叫佢陪我游水，周圍召集替身都冇人肯做，會露背。不過其實講吓笑，我角色好放，想做就做。（驚唔驚尷尬？）又唔會真係裸，個個都去過游水，唔擔心！（仲有其他激情場口？）呢場都幾盡架！香港拍晒同我Daddy（吳岱融）好沉重嘅戲份。」

Grace又明言拍攝此等激情場口，不用問准男友嘉穎：「唔使！（問准佢？）都唔使，拍戲啫！」