嗒晒糖？陳展鵬預告與鍾嘉欣攬啜笑瞇瞇

藝人陳展鵬、蕭正楠（Edwin )、陳凱琳（Grace）及田蕊妮等，於機場出發到日本沖繩拍攝無綫劇集《巨輪II》外景。展鵬獲得多位粉絲到場支持，他透露於劇中與鍾嘉欣又咀又錫：「為咗嘉欣追到沖繩。（有咀嘴同抱抱戲份？）少不免，都會幾浪漫激情！」他又笑言到埗後會趁機租借開蓬跑車去兜風散心。

談到展鵬於台慶頒獎禮中有兩項提名，更獲「叫四飛」的洪永城力撐他獲封視帝。展鵬聞言即大讚洪永城：「佢OK呀，佢reference夠！佢到時攞獎梗係開心。其實佢早過我攞（綜藝主持）獎，邊個攞唔係最重要。」