陳秀雯無悔離婚 復出唔關前夫事

20151121
東網電視
更多新聞短片
陳秀雯(右圖)大談過去婚姻,佢否應復出係因為前夫林國雄經濟有問題!
陳秀雯接受有線節目《往事.並不如煙》黎燕珊的訪問,逐一擊破當年有關離婚的傳聞,提到入行後認識初戀男友林國雄,她形容與林國雄是「對的時間遇上對的人」,拍拖三年便秘密結婚,有了兒子後更毅然退出娛樂圈:「我相信緣分,感覺對就向前行一步,我一直嚮往普通人嘅生活,買餸煮飯、照顧家庭。」兩年後,陳秀雯卻「夢想破滅」:「原來我並唔係咁鍾意呢種生活,仔仔返咗學後就無所事事,咁啱當時有人搵我拍劇,於是我復出,並唔係因為我前夫經濟有問題。」
與前夫思想漸趨有別
有傳兩人離婚是因林國雄生意出現問題,導致夫妻關係不和,陳秀雯解釋:「呢個只係報紙見到嘅原因,夫妻相處幾十年,唔會只係生意失敗,就婚姻失敗。兩個人生活有好多細節,外人從來唔會知佢哋甜喺邊、辣喺邊。」她表示跟前夫思想愈來愈不同,分開反而更舒服:「離婚未必係佢錯,可能係我錯呢?無嘢嘅保質期係永遠,唔係一邊變壞咗,亦唔係話對住你好嘔心嘅感覺,只係大家選擇更適合自己嘅人生。」
「無對唔住第三個人」
對於這一段婚姻,陳秀雯表示無怨無悔:「我成長咗好多,以後識去面對唔係預期中發生嘅事。我無後悔過,自己揀就唔好怨,亦無任何遺憾,因為從拍拖到離婚整件事,我無對唔住第三個人。」