【母愛的偉大】湯盈盈堅持人奶餵哺細女

藝人湯盈盈自誕下幼女Kassidy後，一直對囡囡嘅大小事務親力親為，囡囡細細個已經見識唔少，因為媽媽都會帶佢周圍玩、見朋友！作為好媽媽嘅湯盈盈當然畀囡囡最好嘅，就係餵母乳！佢曾經透露第一胎餵母乳唔成功，所以依家會特登走去學餵，務求畀最好嘅嘢給囡囡！呢日佢凌晨時份分享咗餵母乳嘅點滴，相中見佢已經揼咗2樽母乳：「BB已經兩個月大喇，努力餵緊人奶中，初頭有啲唔習慣，但依家已經適應左（咗）！」網友見到都紛紛大讚：「辛苦了！媽媽真偉大！」其他媽媽級粉絲亦窩心地提供餵哺母乳小貼士添！