唔慣做蘇太 王菀之誠邀軒仔齊齊度蜜月

20151125
東網電視
更多新聞短片
王菀之同張敬軒咁樣打情罵俏法,小心老公仔呷醋喎。
歌手王菀之(Ivana)和張敬軒在金鐘出席活動。大後日結婚、戴住閃爆求婚戒指的Ivana,在會上透露聖誕節會和另一半Eric So度過,在旁的軒仔就趁勢爆他們打算度蜜月。訪問時,問Ivana打算到哪裏度蜜月,她就指仍未決定:「要Plan好啲,同自己去旅行唔同。(你負責Plan?)佢負責拍板,我負責呈上建議。(去幾耐?)幾個禮拜。」更當場誠邀軒仔加入蜜月旅行做電燈膽,軒仔問會否包食宿,Ivana謂:「我煮埋畀你食。」軒仔聞言即笑謂:「我腸胃唔係幾好。」
笑軒仔不請自來
談到Ivana 28號升呢做蘇太,她就指有朋友提醒她還有三日做「王小姐」的時間,更即場笑問軒仔:「可唔可以我結婚之後都叫我王小姐,我唔慣呀!」軒仔答謂:「冇問題,嗌蘇師奶。」Ivana亦坦言最近常致電軒仔,當正對方是結婚顧問,但軒仔就謂:「但佢搵一個從來未結婚嘅人嚟做。」Ivana又笑言仍未邀請軒仔到婚禮:「我諗你係唯一一個唔請都會到嘅賓客。(唔請?)我同佢講,『張敬軒你唔好怪我冇請你,我仲未知夠唔夠人手幫忙,如果有咩要幫就會打畀你。』」軒仔亦指好開心可以見到好友由「?妹」變成「人妻」,Ivana聞言即謂:「人妻呢個Term好性感!」
問Ivana之後會否踢走軒仔夫妻檔搵錢,她謂:「同佢兩個拍檔嘅嘢都唔同,我冇理由同Eric上台唱歌㗎?我畀嚿泥你,你整到啲咩吖,你講吖,你咪最多抆落塊面度!」軒仔即笑指對方好着數,Ivana即笑謂:「係呀,食晒兩家茶禮!」
「東網巨星」fb專頁:
每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。