欣宜試過酒後斷片　要友人孭回家

藝人鄭欣宜早前透露最近因忙於與Supper Moment排練而發惡夢，為了讓自己容易入睡，欣宜特意去跑步減壓：「尋日跑咗好耐，破晒啲紀錄，個跑步App彈晒啲紅色旗仔出嚟，好攰，最後瞓得着，但係瞓唔夠囉。」她又表示與Supper Moment合作非常開心，更準備了驚喜小禮物在台上送給對方：「想佢哋愛上我，等佢哋同我多啲合作。」

提金剛捲夜場槍擊案：有槍好恐怖

提到金剛在台灣夜場捲入槍擊案，欣宜表示未遇過同類事件，只在遠處目擊過其他人打交：「有槍先恐怖呀，點解會帶槍去蒲？唔會溝到女架喎。（多夜蒲？）唔多，畀人影過幾次，就係嗰幾次咋。」

試過酒後斷片要男友孭回家

問到酒量如何？欣宜指最怕酒後斷片，曾試過在十九歲生日會上飲醉，需要比她矮小的友人孭她回家：「佢一路孭我上屋企條樓梯，媽咪就翹住手望住，第日就鬧我。而嗰次我男朋友第一次見我媽咪，佢都飲到醉咗，最後仲要媽咪車佢返屋企。」