鍾嘉欣失蹤72小時　樂易玲：低調處理

無綫高層樂易玲出席由無綫舉行的《長期服務暨傑出員工榮譽大獎頒獎典禮》晚宴，談及鍾嘉欣2005年在番禺神秘失蹤一事，樂小姐說：「冇話特別唔準講，因為當年發生嘅時候喺外哋同埋報咗警，唔可以講咁多，同埋成班藝人，又有女仔，又唔認得嗰啲人，所以叫佢哋低調啲會安全啲。當年都係無論台前定幕後都叫佢哋唔好談論呢件事，希望低調啲，嗱嗱聲拍完返香港。」

她再三強調公司對藝人和員工的保護：「為佢哋安全着想，但唔講唔講點知就變咗『失蹤』72小時。最近如果唔係嘉欣講番起，自己都爭啲唔記得，好鬼耐。」

自從鍾嘉欣事件後，無綫都有吩咐出埠工作的同事盡量一齊，盡量留於酒店內消遣，若打算在外地工作後留下來的員工，需要特別申請。