【各自各精彩】祖藍飲悶酒　亞男興奮自拍

藝人王祖藍同老婆李亞男一向出名恩愛，成日形影不離，打風都打唔甩！唔知係咪成日見嘅關係，李亞男想追求下新鮮感，呢日就拋低祖藍，同姊妹外出工作！李亞男仲喺微博分享寓工作於娛樂嘅快樂，見佢笑到咁開心，一時拖住朋友，一時就興奮自拍，似乎好享受自由嘅感覺，佢仲係留言話：「姐妹forever！好開心可以工作與娛樂，好美麗的一日！」而另一邊廂，祖藍就透過微博呻自己一個人飲悶酒，佢仲上載咗張強顏歡笑嘅相，明顯唔多滿意咁！佢哋兩公婆耍花槍嘅情節吸引咗網友留言，仲叫李亞男快啲返屋企陪老公添﹕「怪不得你家藍藍喊寂寞呢，快些回家吧！」