網民熱話:楊怡「茄哩啡」時代好難認?

20151127
東網電視
更多新聞短片
網民覺得「茄哩啡」嘅楊怡好難認呀!
攞過「視后」嘅楊怡今年憑《收規華》再獲提名做最佳女主角,不過想當年,啱啱出道嘅楊怡都做過「茄哩啡」,有眼利網友就喺前日深夜時段重播嘅經典劇《男親女愛》入面,搵到楊怡嘅蹤影,不過因為見唔到「木偶鼻」,所以唔係咁肯定,佢就將Cap圖放上網畀大家評一評,一見此Post,大家好似遇到知音人咁,即刻話:「我尋晚(前晚)已經懷疑係佢,把聲勁似,個樣就完全認唔到了~」仲有網友搞笑咁話淨係認得佢身旁嘅黃子華。
結果網友分析完之後,一致裁定佢係「好Pure」嘅楊怡,當時喺《男親女愛》入面飾演名都冇嘅接待員。講到呢度,就有網友提出其實今年有份角逐「視帝」嘅馬國明都有演《男親女愛》架,不過同楊怡一樣,都係做「茄哩啡」,馬明當年仲喺主題曲《藍天》MV入面扮演「小強」,同上年吳業坤扮棋都有幾分似喎!網友仲口多多咁問:「唔知馬明拍《Do姐去Shopping》有冇同DoDo講佢哋有合作拍過戲呢?」
網民有話兒:
Bigxxxxth:個look真係勁清純,諗幾秒先知係楊怡。
Toxy Lxxxx:但我認得出子華。
Maxxy Yexxx:我琴(尋)晚已經懷疑係佢,把聲勁似,個樣就完全認唔到了~
Sxxon:早排翻煲男親女愛,楊怡同馬國明都有見倒(到),楊怡都有出咗幾集。
Axxxyxxair:唔知馬明拍《Do姐去Shopping》有冇同DoDo講佢哋有合作拍過戲呢?
「東網巨星」fb專頁:
以抵死角度,分析各大娛樂新聞,加埋識睇一定要睇嘅網民妙論,包保享盡「Fun」秒,快啲入嚟畀Like啦。