勁熟《紫釵記》　阿刨排練零難度後輩受惠

粵劇名伶龍劍笙（阿刨）下月假香港演藝學院歌劇院演出十六場《紫釵記》全劇，門票一早被阿刨的戲迷搶購一空，九月返港後一直為演出準備的阿刨，近期加緊與兩位新進花旦李沛妍與鄭雅琪排練「培養感情」，務求以最完美的演出報答戲迷。

新娛國際負責人丘亞葵（Vigo）昨晚前往探班，丘亞葵被問到阿刨對兩位新人有甚麼指點時，他說：「阿刨成日都講，喺台上最緊要做到自然、順暢，套劇已經排到好熟，因為裏面阿刨係同佢哋做情侶，依家阿刨要同佢哋培養感情。」

新人獲益良多

阿刨再演拿手好戲《紫釵記》，問到丘亞葵排練進度？丘亞葵說：「阿刨對《紫釵記》實在太熟，對佢嚟講係冇難度，佢排練得好輕鬆，阿刨再演係一心想盡自己嘅能力去幫助新人，等佢哋可以做好啲。」

兩位新人李沛妍與鄭雅琪難得有一位殿堂級前輩阿刨悉心指導及扶持，自然獲益良多，丘亞葵也大讚兩人對長輩的態度夠晒尊敬，他說：「李沛妍、鄭雅琪唔單止對阿刨好恭敬，連對其他長輩都係咁，好難得。」

再演要睇緣份

阿刨的十六場《紫釵記》對有門票的戲迷固然期待，但未能成功搶飛的戲迷，則更關心阿刨會否再開騷，丘亞葵對此表示：「阿刨九月返嚟香港，明年一月中演出完就會返溫哥華，我都問過佢好多次會唔會再演，阿刨答我睇緣份啦，我就相信希望在明天。」