台慶頒獎禮前哨 陳展鵬阿田料封帝后
20151128
東網電視
更多新聞短片
陳展鵬最終到底可唔可以大滿貫？12月13日晚自有分曉。
無綫一眾藝員包括胡定欣、黃智雯、姚子羚及林盛斌等昨齊齊現身香港機場，出發前往馬來西亞準備今晚參與《TVB馬來西亞星光薈萃頒獎禮典禮2015》。據知陳展鵬繼月前於新加坡憑《張保仔》「稱帝」後，在馬來西亞相當受歡迎的他，今晚亦獲幸運之神眷顧「再下一城」，手執兩個視帝獎項，無疑令展鵬事業更上一層樓。
雖有指是晚頒獎禮賽果乃下月在港舉行的台慶頒獎禮指標，但面對《梟雄》內三屆視帝黎耀祥及影帝黃秋生等「挑機」，展鵬想順利拿走「大滿貫」亦非易事，相信他仍要努力拉票谷人氣。
「姊妹反目」拗手瓜
至於視后方面，阿田則憑《鬼同你OT》內的神級演技「封后」。該劇播出時，她與好姊妹胡定欣的默契及「同步演出」成網民熱話，得獎自是實至名歸。而近日忙於在日本沖繩趕拍《巨輪II》的她，亦特意度期由日本飛往馬來西亞領奬。至於台慶頒奬禮，定欣亦被指為視后大熱，兩姐妹今次被迫拗手瓜，終究阿田「二度封后」還是定欣「初嘗視后滋味」，似乎要聽天由命！
胡定欣紅底催運
定欣昨出發前往馬來西亞時，被問到有否信心得奬？她搞笑謂：「事前要有信心，先可以有視后。（諗定謝詞？）順其自然，如果真係有機會，到時會有自然反應諗到嘢想講。」她笑言沒有帶「紅底」同行催旺自己，醒起時隨即向身旁幾位好姊妹笑說：「你哋有冇呀？」李施嬅即回應自己會穿紅色晚裝，希望帶旺氣給定欣。定欣又指此行雙重收穫：「當今次去旅行，加上應該有獎嘛。雖然冇咩時間周圍去，咪匿喺酒店房食嘢、做吓女仔嘢囉。」
投票率高過去年一倍
而今晚舉行的《TVB馬來西亞星光薈萃頒獎禮典禮2015》除有專業評審投票外，更錄得30萬人次於10月中至11月21日透過網站投票支持自己偶像，較去年投票率高出一倍，觀眾投票比例佔70%，賽果絕對反映馬來西亞觀眾的選擇。
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。