郭采潔戲內戲外食唔停口

由吳彥祖、張孝全及郭采潔主演，林嶺東執導嘅電影《天火》近期係香港取景拍攝，不過噚晚就發生咗少少麻煩事，喺上環拍攝期間因噪音問題，有街坊以身阻擋鏡頭阻礙拍攝，經警方介入調停後事件得以平息。

凌晨時段劇組喺中環繼續拍攝，全程都淨係見到郭采潔同張若昀，未埋位之前郭采潔就不停低頭撳電話，到拍攝時就見佢坐喺便利店門外食蝦餃，拍咗幾TAKE以為佢會食蝦餃食到飽晒，點知戲外又見佢攞包加大薯條不停咁食，真係睇唔出一向身形纖瘦嘅郭采潔原來食量咁驚人。