又放閃！昆凌晒借位全家福

「台灣天王嫂」昆凌自升格為人母後，不時亦公開分享湊B逸事，話題早已離不開「小周周」！而今次同老公周杰倫（周董）一前一後出席活動嘅佢，期間就被問到夫婦兩人邊個比較識哄BB時，佢即一臉自信話：「我！我有胸部，女兒大哭的時候，我可以用胸部頂她。」認真母愛爆棚！笑稱老公會呷囡囡醋嘅佢其後更抱埋BB，齊齊睇周董綵排，更於微博大晒一家三口「借位全家幅」，並發文寫道：「猴～偷練」雖然周董於相中唔太顯眼，但就憑兩夫妻嘅情侶口罩就已經夠晒「耀眼」，足以曬死一眾網民！