樂易玲封鎖追斬事件？鍾嘉欣得廿歲唔記得

無綫花旦鍾嘉欣上午現身機場出發到馬來西亞，出席晚上舉行的《TVB馬來西亞星光薈萃頒獎典禮2015》，她透露準備了少少Deep V的「公主式」晚裝。問到有否信心攞獎？她說：「馬來西亞一向畀到我溫暖，每年成績都唔錯，希望今年都係，《華麗轉身》嘅角色係我三年嚟最鍾意嘅！」

談到《鬼同你OT》的田蕊妮與胡定欣成大熱，怕不怕不夠兩人撼？嘉欣說：「冇話怕唔怕，畀心機啦，成績好、對自己有交代就okay。」

提到早年拍《人生馬戲團》時發生追斬事件，她表示接受《娛樂3兄弟》訪問時，只是回應主持的問題，實話實說，沒想過有回響：「有問題要勇於面對，講出嚟鬆一口氣，大家出門要有防備心，我自己好宅，好少出街，出一次就出事，嗰次楊思琦生日先去，我有建議留酒店消遣。（無綫高層樂易玲下領封口？）嗰時我得20歲，唔記得樂小姐講乜，最重要人冇事。」她又直言視思琦為生死之交，對於有傳失蹤72小時兼遭性侵犯，嘉欣連聲否認遭性侵，並解釋只匿埋約半小時，更希望少一點傳聞。