周秀娜初嘗特技飄移　落地頭暈兼想嘔

藝人周秀娜（Chrissie）為名車品牌全新型號發布會任嘉賓，品牌更邀請世界紀錄保持者特技車手Russ Swift到香港表演，令Chrissie可一嘗極速飄移樂趣，未出發先興奮的Chrissie，透露幾日前特別上網睇有關對方的片段，並大讚厲害，她謂：「佢就係憑一招『Doughnuts』，以16秒轉10個圈成功打入健力士紀錄大全，所以今次品牌話安排佢載我，都好興奮！」更誇口指10個圈小兒科，可以試加碼至20圈，惟過程間Chrissie被嚇得呱呱叫，落車後頭暈暈的她更笑謂：「打完10個白鴿轉真係好暈，之後架車45度傾斜真係嚇到個心離一離，落車一刻仲有少少想嘔，原來『Doughnuts』呢招真係唔惹少，呢個冬甩真係一試難忘，第一次『食』到想嘔！」

問到她有否興趣學飄移，Chrissie笑謂：「都有，已經愛上咗飄移的感覺，想拜Ruzz Swift為師！不過唔知佢肯唔肯收我為徒呢？」