陳玉蓮爆同周潤發分手原因：冇時間拍拖

藝人陳玉蓮與王玉環為有線節目《往事．並不如煙》任嘉賓，席間分享過去感情經歷，陳玉蓮更鮮有提及當年與周潤發的初戀，對於這段被視為圈中的「金童玉女」，陳玉蓮透露當年只有18歲，更謂:「周先生係我嘅初戀情人，可能我單純、蠢蠢地吸引到佢啩！（轟動娛樂圈喎！）呢啲嘢唔在乎結果，轟動過就夠！嗰時好多傳媒想捕捉我哋拍拖，好多人話我哋玩地下情，但實情係周生太忙，我哋根本冇時間拍拖，久而久之好難繼續行落去，所以分手並唔係因為傳媒壓力。」更指多年後已成熟不少，若然再見到對方也會上前Say Hello！

而曾經歷婚姻失敗，陳玉蓮坦言不會再盲目尋找自己的楊過，笑指一個人也很開心，現時頗享受該種自由自在的生活，並專心把所有時間用在慈善工作，不會再找另一半。

至於曾與午馬相戀15年的王玉環，最後仍分手收場，不過亦因為該段關係令她重新認識自己，她謂：「由細都好想做明星，當年好崇拜午馬，佢係大導演，又幽默，嗰段時期我真係戀愛大過天，分手後先察覺到做女人要獨立，於是就決心轉行做保險，好彩自己搵啱咗出路，亦因工作認識到現任老公，所以我好多謝午馬造就咗今日嘅我。」