林二汶爆王菀之用燶晒煎Pan整嘢食

歌手林二汶擔任活動嘉賓，她特意挑選了歌曲《驚人》演唱以配合大會主題「Perfect in your way」，二汶說：「perfect唔係話要好似李嘉欣咁嘅身型，而係你打理自己打理得好。同埋我都係肥妹嚟，我到依家仲喺度唱緊歌就知ok，雖然唔係賺好多，但起碼我依家做緊嘅事我好開心。」

想送煲做賀禮

提到好友王菀之（Ivana）今日註冊結婚，二汶表示之後會與薛凱琪、吳雨霏相約對方吃飯。問到會送贈甚麼賀禮給Ivana？她說：「我哋幾個姐妹要傾吓先，可能送個好勁嘅煲畀佢，佢咁鍾意煮嘢食，佢真係夠膽死個煎pan燶晒都仲整嘢食！」

讚王菀之好太太

林二汶又認為Ivana會是個好太太，因為她非常愛其老公Eric So，亦愛煮飯給對方吃，不過就投訴Ivana沒有時間與自己學跳舞：「我哋一齊學跳舞，但佢成日唔得閒，話要2016年先得閒，下次見到佢要嗌Eric太。（可能下年佢有BB？）咁叫佢帶埋BB嚟。」

聖誕節開騷

而二汶將於聖誕節起一連三日舉行音樂會，她表示非常適合Ivana與老公前來欣賞：「主題係講關係，夫妻關係好，成個屋企就會和睦！」她指音樂會不會有嘉賓，但會邀請觀眾一起跳舞，又謂知道聖誕節大家通常會有節目，所以音樂會的時間會在晚上十時半開始：「大家食完聖誕大餐就可以過嚟，同埋附近都有嘢飲。」