開心得滯？王菀之講錯婚禮做音樂會...

歌手王菀之（Ivana）今日與Figure王Eric So（蘇卓航）結婚，在陽明山莊舉行婚禮，儀式完成後下午約三時半，新娘子Ivana單拖接受傳媒訪問，榮升「蘇太」的Ivana一臉幸福模樣，講到婚禮過程，她表示見到爸爸不捨得將她交給Eric，並笑言：「其實交咗畀Eric，我依然都係爸爸嘅乖乖女。」

爆Eric有心思

Ivana透露母親除了給她朗誦詩篇外，更和一班看着她長大的世伯、伯母一起唱歌，她就負責為他們彈琴伴奏，未知Ivana是否太開心，竟將「婚禮」講成音樂會，她謂：「呢個音樂會，唔係...呢個婚禮充滿音樂，一個好浪漫婚禮，最親朋友，最親親戚嚟到。」問到今日造型時？Ivana表示：「係我哋兩個一齊諗，頭上皇冠係喺日本影婚紗相時佢買嚟送畀我喺今日戴，花球就喺日本一間藝術廊度買。」

唔知求婚戒幾卡

講到手上的婚戒時，Ivana表示：「結婚戒同求婚戒一齊戴咗，結婚嗰隻係簡單啲，係Eric設計綁咗條紅繩打咗隻蝴蝶結，佢話代表『締結良緣』，有石嘅係求婚戒指。（幾多卡？）唔知呀，冇問。」

「佢鍾意去邊咪去邊囉」

問到有冇講愛的宣言？Ivana甜到漏說：「第一次聽到佢點叫我！（叫老婆？）唔講啦！」問到去哪裏度蜜月？Ivana稱要完了手頭工作，問到是否頒獎禮後才去？Ivana謂：「咁又唔會，太耐啦。（想去咩地方？）佢（Eric）鍾意去邊咪去邊囉！（趁蜜月造人？）呢啲問題咁私人，唔知呢！」

「東網巨星」fb專頁：

以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。