拒麥玲玲幫BB改名　安志杰：上次係誤會

藝人安志杰出席李小龍活動，透露很喜歡對方，亦喜歡成龍。他又指自己先認識成龍，之後才透過電影認識李小龍，大讚李小龍功夫強勁，並謂對方對自己影響很深！

已知BB性別

問到懷孕的未婚妻Jessica C.近況，他說：「佢每日都會喺屋企附近做瑜伽，依家佢六個幾月，12月就會返美國，但係我有嘢做，所以一月尾先返去陪佢生BB。（改咗名未？ ）諗緊英文名，媽咪會改中文名。（仔定女？ ）我已經知道，但Jessica想12月先公布，但我自己就希望係囡。」

與婷婷仍是好友

對於早前麥玲玲計錯他出生年份，並表示可免費為其BB改名補數，他笑說：「多謝佢，唔使，上次係一個誤會，我冇放喺心！」另談到舊愛謝婷婷被指有新歡？他表示會恭喜對方，並謂二人已很久沒聯絡，但仍然是好朋友。