再奪情侶獎 翠如爆蕭正楠有外遇缺席
20151128
東網電視
更多新聞短片
翠如同蕭正楠再拎情侶獎，翠如呻爆話蕭正楠同第二個女仔拍拖，話冇咩想講，勁搞笑！
《TVB馬來西亞星光薈萃頒獎典禮2015》正在舉行，張繼聰及黃翠如負責頒發「最喜愛TVB螢幕情侶獎」，阿聰重提翠如及洪永城（Tony）早前的拖手事件，翠如搞笑說：「知情人士話唐詩詠喊咗三日，仲剪爛咗Tony本Passport，所以佢嚟唔到。」阿聰說：「錯啦！出鉸剪就唔係剪Passport啦！」其後阿聰提到Tony、陳展鵬及蔡思貝的八卦新聞，講講吓講到翠如男友蕭正楠與陳凱琳拍咀戲，翠如即作狀扮嬲。
「最喜愛TVB螢幕情侶獎」最終由《師奶MADAM》的翠如及蕭正楠奪得，翠如要宣布自己得獎，一度顯得頗為尷尬，之後翠如發表得獎感言：「蕭正楠依家同第二個女仔喺日本拍緊拖，我唔係好想講啲咩！好多謝珍姐（高層曾勵珍），畀我同呢位前輩（蕭正楠）合作，學咗好多嘢，但近排我個心唔係好舒服，因為佢依家同另一個女仔一齊。」她又多謝劇集監製，造就她與蕭正楠在現實中亦可「相處下去」。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。