羅仲謙奪獎　楊怡台下冧爆望實

《TVB馬來西亞星光薈萃頒獎典禮2015》頒發「最喜愛TVB電視角色」獎給劇集《衝線》的羅仲謙，他台上表示：「要多謝投票的觀眾，多謝林夏薇、蔡思貝，因為大家係一個團隊。多謝無綫畀咗一個咁創新嘅劇集同角色我去演，希望日後再有更多嘅娛樂帶畀大家。頭先睇番啲片段，相信過多幾年我再拍唔到春青劇，今次都算是例外。」而羅仲謙致謝詞時，女友楊怡在台下冧爆望實！