陳展鵬再稱帝興奮　激動錫爆獎座

啱啱陳展鵬（煎Pang）喺《TVB馬來西亞星光薈萃頒獎典禮2015》奪得「最喜愛TVB男主角」，係佢繼《星和無綫電視大獎》後再下一城，奪得同一獎項，成為「雙視帝」嘅煎Pang，梗係興奮啦，佢事後仲喺Instagram大晒激吻獎座嘅相片，並留言：「今年係我入行以來最值得驕傲和感動的一年，多謝喺每個階段和過程都一直俾（畀）機會我，支持我嘅朋友，更要多謝很多默默支持我嘅fans，我的大本營因為有你哋，我先至有咁大嘅信心，令我可以堅持自己嘅理想，一步一步的走下去，即使道路都並不平坦，但因為有您們的鼓勵，令我從来都不會感到孤單。」