三屆視帝黎耀祥鼓勵觀眾接受新演員

「三屆視帝」黎耀祥（祥仔）於將軍澳出席台慶劇《梟雄》大結局晚宴，對於陳展鵬繼早前於新加坡得獎後，再於《TVB馬來西亞星光薈萃頒獎典禮2015》獲封視帝，被指「失落」視帝的祥仔說：「都唔係失落嘅，每次比賽都係公道、公平，我覺得展鵬做得好好嘅，觀眾投票都佔好大比，我諗馬來西亞觀眾有唔同嘅喜愛啦，佢都確實做得唔錯，佢嘅經驗都好耐，係實至名歸，唔緊要啦，每個地方都有唔同嘅評審標準。」並謂大家只希望觀眾多留意公司、多留意每位同事演的戲，最緊要投票率每年遞增，讓觀眾習慣有權投票和表達意見。

盼觀眾多接受新演員

問到會否擔心台慶頒獎禮難奪視帝？祥仔說：「我又唔擔心，自己都攞過囉，再攞都係錦上添花，我覺得對好多同事係好大鼓勵，我都好期待佢哋攞到，反而我冇乜所謂，我都攞咗三次，又唔係話夠，呢個問題好矛盾、好尷尬，人哋鼓勵你、話你好，你冇理由拒絕，但意義對我嚟講又唔係好重要，觀眾咁多年嘅支持、認同都畀咗好多信心我，呢行都需要新演員，希望獎項畀多啲新演員。」他又盼觀眾多接受新演員，公司亦多給予機會新演員，這樣才會令行業健康發展，並謂希望《梟雄》奪得「最佳劇集」。