唐詩詠為洪永城護航 撐太忙唔見護照
20151130
東網電視
更多新聞短片
唐詩詠唔舒服都力撐男友洪永城唔係「呢啡」，係太忙先至唔見Passport，呢啲女朋友邊度搵。
唐詩詠於將軍澳出席台慶劇《梟雄》大結局晚宴，帶病上陣的她受訪時「氣若游絲」，她表示聲帶發炎導致失聲兩天，男友洪永城（Tony）豈不是很心痛？詩詠即取笑對方遺失護照，以致未能出席馬來西亞頒獎禮，她笑道：「佢心痛本Passport，我真係畀佢嚇到失聲，真係難得一遇，有個人整唔見本Passport冇得去攞獎。」
推測男友洪永城台慶有獎攞
提到Tony出發前一日搵足12小時護照，問到有否幫對方搵護照？她說：「佢呢啲咁亂嘅人，係自己先搵到㗎咋，冇人幫到佢搵。（佢成日都好大頭蝦？）唔知呀，但黃翠如話佢『呢啡』，我就未見過佢咁大頭蝦，可能係天意，我諗佢真係太忙喇。」對於Tony在台慶頒獎禮獲四項提名，是否睇好對方？詩詠力撐男友：「都Okay嘅，點都有一個獎，兩個就太多喇，我覺得『飛躍進步男藝人』都有機會，做戲方面今年佢多咗好多機會。」
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。