藝人方中信、廖啟智、黃智雯等出席新劇《律政強人》試造型，甫開始方中信便投訴被監製羅永賢跣，因劇中對白比起古裝還要多，非常慘情，結果活動尾段獲劇組送上錄音筆，方中信聞言即揶揄指該錄音筆於內地網站僅售數十元，更指容量只得6GB，未能把所有對白錄音，逗得在場演員笑聲連連。

嫌對白太長：對白逐尺計

對於角色對白長，方中信透露花了一晚時間才看了8集劇本，今次乃從影以來時裝劇對白最長的一次，更謂：「真係好飽同好甘，好在今次係講廣東話，比內地劇舒服啲。（好耐冇講？）係喎！飽到咁，一路講一路噴泡，我highlight對白全部都係滿嘅。（順便考有冇腦退化！）真係考，不過我記憶力還好。」他更指起初監製邀他演事務律師，以為是簡單工作，沒料中伏收場，問到有否投訴？他謂：「有，我咪影番啲對白畀監製睇，啲對白真係逐尺計。」

唔恨攞視帝：我想做啞嗰個

問到無綫可有安排感情戲安撫他？方中信自嘲這招沒作用，他謂：「都用唔着，個女都7歲啦，所以都只係同李佳芯有啲曖昧。（親熱戲？）冇啩。（咁多對白分分鐘出年問鼎視帝呢？）唔好嘞，我希望做啞嗰個又唔畀我做。」

最強娛樂APP《東網巨星》，推出全新遊戲節目《巨星放題》，除咗有謝安琪同陳奕迅擔任星級主持，仲有好多星級參賽者，最新一集有新一代女神陳瀅、郭奕芯同鄭俊弘，想知陳瀅點樣快人一步，理想達到？快啲去《東網巨星》App收睇啦！

《東網巨星》App下載連結

Android App - http://goo.gl/GqQlC2　

iOS App - http://goo.gl/ItozKI