佘詩曼自爆浪漫史　廿一歲時曾被求婚

藝人佘詩曼在港出席商場舉行的聖誕亮燈活動，身穿Tube Dress長裙的她被問到有沒有難忘的聖誕時，她透露廿一歲在瑞士求學期間，男友用了一晚時間砌了一個與她一樣高的雪人，然後敲她房門叫她外出看，結果雪人身上有戒指，男友趁機向她求婚，她表示：「當時我得廿一歲仲讀緊書，所以冇答應。（錯過咗等足廿年？）今年啦。（拍拖喇？）拍戲呀。（後悔？）冇，如果當年結婚真係浪費咗家人啲錢。」她又透露母親告知，原來她童年時曾表示想與聖誕老人結婚，因為可以有好多禮物。

問到今年聖誕如何度過，她表示十二月中便開拍《使徒行者》電影版，有傳林峯沒有份演出，她表示：「要開完會先知。（可惜？）睇你點睇，可能有新角色更好呢。」對於有傳苗僑偉擔正男一，她則表示：「過兩日開完會先，可以了解多啲。」她指如果有時間都是和家人朋友過聖誕。

力撐無綫：啲人做咩要鬧？

另外，對於無綫節目《網絡桃機》鬧出風波，她說：「冇睇到，啲人做乜要鬧無綫？無綫啲劇好睇丫，《梟雄》都好睇呀。」

緊貼娛樂圈消息嘅《東網巨星》App，於《東網巨星》facebook推出《東網民選TV King & Queen》投票活動。首日投票競爭激烈，想心水藝人獲得佢哋應得嘅民選視帝、視后，就快啲去以下兩個專頁投票啦！

投票連結：

「東網民選TV King」專頁 http://goo.gl/LKnaWu

「東網民選TV Queen」專頁 http://goo.gl/HXMu7J