上載手拖手相 50歲城城認戀27歲上海模

20151201
東網電視
更多新聞短片
50歲嘅城城公開戀情喇,仲要揀喺咁夜嘅時候,真係好驚喜呀。
向來是單身貴族、感情成謎嘅天王郭富城(城城),啱啱喺微博公開戀情。佢上載咗一張男人手緊緊握住女人手仔嘅相,並留言:「這樣開車要慢一點。」然後佢仲@咗一個叫MK_fy。記者翻查資料,證實該名叫MK_fy的女仔,乃上海模特兒方媛。
早露口風
其實城城與方媛早前已傳出緋聞,當時爆出城城愛以IG認識模特兒,當時牽扯其中的分別有許雅婷及方媛。不過當時方媛回應強調與城城只是朋友。自此,城城的緋聞便又再靜下來,不過直至最近,城城在50歲生日會上突然放風表示希望盡快結婚生仔,並坦言:「將來嘅事,幾耐冇人知。(有對象未?)之後結婚會話畀大家知啦,我大個仔啦,做事有分寸。」
不排除閃婚
另外,再之前城城出席活動時,被發現左手無名指戴了戒指,問到是否已結婚?他說:「只係飾物,大家誤會咗,咁我轉去右手戴喇!」之後他即大方表示有成家立室的念頭:「都希望成家立室同有小朋友,我本身好鍾意小朋友。」他更表示不排除閃婚:「如果現階段遇到姻緣,亦唔排除會閃婚,都希望得到大家嘅祝福。」
之後,於凌晨約12時30分,方媛在微博轉載城城微博,並甜蜜留言:「嗯!慢慢開。」同場加映笑臉公仔一個,真係甜到漏。
緊貼娛樂圈消息嘅《東網巨星》App,於《東網巨星》facebook推出《東網民選TV King & Queen》投票活動。首日投票競爭激烈,想心水藝人獲得佢哋應得嘅民選視帝、視后,就快啲去以下兩個專頁投票啦!
投票連結:
「東網民選TV King」專頁 http://goo.gl/LKnaWu
「東網民選TV Queen」專頁 http://goo.gl/HXMu7J