郭富城戀新歡 熊黛林晒情侶鞋祝幸福
20151202
東網電視
更多新聞短片
舊愛有新歡？唔怕，Lynn都有同男友嘅低調「合照」做回應。
天王郭富城噚晚喺網上高調認愛，隨即成為城中熱話，而喺2013年同佢結束7年情嘅名模熊黛林（Lynn），分手後亦有着落，同郭可盈細佬郭可頌撻着，感情穩當嘅二人近日仲傳出婚訊添！
城城早前同舊愛Lynn分手嗰陣，話對鞋唔啱着，而昨晚城城就突然認愛，Lynn今日又咁啱喺微博上載一張同男友郭可頌着情侶鞋嘅相，仲留言話：「幸福就在身邊，祝福大家！」唔通Lynn嘅呢張情侶鞋相，就係用嚟反擊城城嘅？同時，Lynn又可以憑鞋寄意為城城嘅新戀情大方送上祝福，睇嚟好似有一舉兩得嘅含意咁喎！而有網友就話佢哋分手後各自各精彩，仲祝兩對情侶都幸福呀！
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。