被罵貶低護士地位　洪永城發文道歉

主演無綫劇《實習天使》嘅藝人洪永城（Tony）日前喺網上發表留言：「護士，喺社會上嘅地位不高，但其實喺救助病人嘅工作入面不比下醫生、由照顧傷者身體日常生活嘅需要、到心靈上嘅安慰同關注，肯定咗護士嘅重要性…」引來網民覺得佢貶低咗護士嘅地位，叫Tony身為公眾人物要小心言辭。

面對網民嘅批評，Tony今日再發文，表示因自己嘅詞不達意引嚟網民誤解而感抱歉，佢留言：「撰文嘅原意，係希望帶出護士嘅貢獻同功勞、其實同醫生同樣重要，護士喺社會應該獲得更高度嘅尊重，呢個就係我想表達嘅意思。如果有時間，希望各位除咗睇第一句之外，睇埋內文。不過可能我詞不達意，引致各位、特別係醫護界嘅朋友不滿，我懇請大家可以接受我嘅道歉。透過今次拍攝更令我體會到護士工作嘅難處；我認真地尊重你地（哋）嘅工作。」

緊貼娛樂圈消息嘅《東網巨星》App，於《東網巨星》facebook推出《東網民選TV King & Queen》投票活動。首日投票競爭激烈，想心水藝人獲得佢哋應得嘅民選視帝、視后，就快啲去以下兩個專頁投票啦！

投票連結：

「東網民選TV King」專頁 http://goo.gl/LKnaWu

「東網民選TV Queen」專頁 http://goo.gl/HXMu7J