是非精幫森美慶祝42歲生日

藝人森美一向艷福不淺，經常夥拍靚女做主持，之前仲同無綫小花黃心穎（Jacqueline）、麥美恩（Mayanne）、張秀文、李佳芯（Ali）、湯洛雯、梁嘉琪，六位「是非精」一齊拍攝無綫節目《學是學非》，之前習慣整蠱人嘅森美都被班女仔喺節目中「恰」番轉頭！不過依啲都係節目效果，私底下其實佢哋都好friend，事關呢班「是非精」特登預備咗個蛋糕預祝森美42歲生日，仲同呢班靚女大玩自拍，其後風騷留言話：「韋小寶生日！幾多妾！」唔知返到屋企老婆會唔會扭佢耳仔呢？