曾寶儀就角度影靚老竇獲讚孝順

藝人曾志偉同女兒曾寶儀感情深厚，兩父女早前一齊拍內地真人騷《極速前進2》之外，亦有父女檔上陣合拍廣告，喺鏡頭前大晒溫馨，呢日曾寶儀同曾志偉一齊搭飛機，曾寶儀仲大晒對爸爸嘅愛，佢趁住爸爸垂低頭嗰陣同爸爸嚟返張自拍，又留言：「所謂真愛就是：把美拍裡(裏）光線比較好的角度讓給他！」網民見曾寶儀特登就角度，將爸爸影得咁靚仔，都讚佢勁孝順啊!