羅志祥周揚青隔空傳情　網友嗌肉麻

同天王郭富城一樣，台灣舞王羅志祥（小豬）都有個網絡紅人（網紅）女友周揚青，小豬今日凌晨就同女友前後腳發微博，隔空傳情！

周揚青喺微博留言話：「半夜沒事做把自己的ins又從頭看了一遍，被自己有的文字逗得笑出聲來，才發現以前的自己是個多麼可愛的女生啊。」過咗3分鐘，小豬就喺自己微博隔空回應女友，並上載咗一張自己表情趣怪嘅自拍：「男：你可不可以不要一直偷我東西 女：我⋯我沒有啊 我偷什麼 男：我的心⋯⋯中！」網友睇到，都話佢哋勁肉麻！