為開騷練腹肌？林峯霸氣：不嬲都有

歌手林峯現身電台宣傳新歌《Heart Attack》時，透露已有兩年多沒有推出新歌，而明年四月更會舉行演唱會。談到演唱會時，林峯表示今次是有史以來最多時間準備的演唱會，早在一個月前就開始操fit，問到今次可會大方騷六舊腹肌，他笑言：「不嬲都有，睇人哋睇唔睇到！」而今次排舞師都刻意將舞步簡化，讓屆時觀眾入場就可以一齊跳舞。

當記者提到林峯女友吳千語食極唔肥時，林峯即話女友食量比自己多一倍：「唔好畀佢聽到，佢連你都可以食埋！佢成日話我食嘅嘢就喺個身，佢食嘅嘢就喺個腦度！」問到嘉賓方面，林峯指會在最後才考慮，因為先要顧掂自己，因要對得住買飛入場的觀眾。他又指今次有充足時間準備，所以對自己會更加嚴謹和緊張。

談到聖誕節和新年都忙於工作，林峯直言有內地的頒獎禮和商演要參加。問到可會出席香港的頒獎禮，他說：「應該都冇，冇plug歌，公司都問我趕唔趕進度，但我話唔使急，今次由揀歌、錄音、製作方面都有親自參與，親力親為！」