晒愛唔夠3小時　城城獲逾四萬負評

郭富城破天荒高調晒愛後，研發咗一系列「慢一點」。第一浪嘅「開車要慢一點」，引起全城瘋狂模仿潮，個個有車定冇車，都爭住上載手拖手系列照，就連藝人們都忍唔住要抽水一番，包括林盛斌、莊思敏、單立文、姚嘉妮，連城城前緋聞女友苟芸慧都搵兩隻熊嚟抽水，真係要幾hit有幾hit。

網民狂撐熊黛林

而最近一水嘅「吃飯要慢一點」，雖然仲未引發模仿潮（如果有呢個熱潮，應該係個個爭住戴照食飯自拍...），但就引嚟勁多網友評論，短短兩個半鐘，有成逾四萬個評論，雖然當中有極少數祝福兩位主角，但係有勁多、勁多同勁多...多到唔知實際有幾多嘅網民，喺城城微博留下負皮，由於篇幅有限，不能盡錄，暫時節錄以下幾個精彩嘅畀大家睇睇...「網紅把天王毀了，同意的讚」、「天王又開始晒女兒了」、「人到中年甚麼都慢」、「這樣吃飯會消化不良」、「天王從此完了…哎！這是一種悲哀」、「吃飯都不忘帶（戴）墨鏡、果然大牌」、「怎麼啥都要慢一點…」、「熊黛林離開是對的，天王眼神兒不行」、「熊黛林陪了你七年 你對得起她嗎？」、「百善孝為先，郭天王你有一位孝順的女兒！」、「跟熊黛林沒得比...」、「吃飯帶（戴）墨鏡，想快都快不起來呀。」