早知林德信松岡分手？阿Lam：陣間佢會嚟

歌手林子祥（阿Lam）出席唱片店開幕派對，獲大會送贈播放黑膠唱片的機器，阿Lam透露自己過去收藏了很多黑膠唱片，知道現時非常值錢，但日前找黑膠唱片時，發現很多只剩下唱片封套：「好多得番個殼，冇晒啲碟，保守估計冇咗十幾隻！（畀工人偷？）唔知，但我搬過好多次屋，依家得番兩、三隻，好心痛！想儲齊番好難，一隻都要千幾、二千蚊。（叫歌迷畀你？）唔會搵佢哋。」他又透露自己亦有收藏錄音帶，間中亦會拿出來聽：「之前我會錄低自己作嘅歌，耐唔耐會聽番。」

早前《好報》踢爆林德信與松岡李那已分手，作為父親的阿Lam可有關心兒子？他卻說：「唔係好耐以前嘅事咩？」當記者問到是否指兩人分手已有一段長時間？佢口窒窒說：「我淨係知佢同草蜢去完登台，陣間佢會嚟，睇吓佢係咪真係咁唔開心。」他又笑言林氏家族的人都是外表看起來很慘，但其實內裏沒有任何事：「我生出咗個『憂鬱樣』！」