出道廿年！王力宏晒陳年舊相成防腐之王

現年39歲嘅台灣歌手王力宏靚仔兼有才華，今年係佢出道20周年！自從佢同老婆李靚蕾婚後，仲做埋老竇，有囡囡王嘉莉，一家人樂也融融。雖然經歷咗人生好多階段，但係網友力讚佢嘅樣都好似二十年嚟都冇咩點變過咁！

尋晚王力宏突然喺微博「想當年」，分享1995年嘅陳年舊相，仲留言話：「今天在公司看到了這些舊照片。來自1995年，我第一次進棚拍照！當時還沒發第一張專輯。據我所知，今天是這些照片首次曝光！」短短一晚已經有一萬個留言，網友見到啲小鮮肉相當然眼前一亮，仲話佢愈大愈型，仲多咗份男人味添！