黎耀祥舊書翻印　搵囝囝操刀影相

藝人黎耀祥出席慈善盆菜宴，他透露今天剛舉行新書發布會，他說：「我六年前出咗本書，當時係我最忙嘅時候，啱啱攞完視帝，所以只係做過一次新書發布會，之前有內地書商將我本書改為簡體版，仲成日邀請我想去講講座，但係嗰陣真係冇時間，最近有書商問我有冇興趣再翻印？呢六年我自己都有好多變化，所以今次都加多咗幾千字，因為今次再出版，相比六年前有好大變化，今次仲特登叫阿仔操刀幫我影相。」

問到若再出書有甚麼新題材？他續說：「好多人叫我再深入啲寫，例如娛樂圈跟紅頂白，六年前冇人理我等等。」記者笑言今次再出書可能再拿視帝？他笑稱出書是為自己留個紀念，純粹分享，亦希望可以讓新一代演員得到啟發：「依家訓練少，訓練兩個月就拍劇，鄭丹瑞都有提議班新演員買我本書。」此外，他透露聖誕會留港放假，二月將到美加登台，問他可怕恐襲？他認為生死有命，不能擔心太多。