唱跳兼耍功夫！朱主席冧掂程芷渝黃玉華

早前憑唱歌走音甩Beat而被網友熱論，綽號「朱主席」的朱壽仁，到匡湖居出席遊艇展活動。他登上其中一艘遊艇，與藝人程芷渝（Milla）及黃玉華（Angel）載歌載舞，Angel更主動大晒事業線，力撐朱主席。

又唱又跳狂喘氣

朱壽仁連唱兩曲，又唱又跳又耍功夫後，不禁氣喘，他說：「我好希望向社會帶出正面訊息，鼓勵社會上年輕人，今日特登揀嚟遊艇展，係想帶出人透過努力奮鬥，都可以擁有遊艇。（原本又話有你發起嘅國際迷你裙小姐參賽佳麗亮相？）今日其實就係為國際迷你裙小姐做宣傳，Angel會做評判同代言人，Milla就嚟支持吓囉！」

程芷渝甘拜下風

而Milla與朱壽仁合唱《還有》後，笑言被對方歌技懾服：「朱主席出咗名唱歌甩Beat同走音，今日果然見到佢出名嘅表演！」至於Angel則謂：「希望多啲女仔參加國際迷你裙小姐，因為呢個比賽好有意義，可以識到好多嘢！」