麥皓兒落力做妹仔　秋生讚：有戲喎

麥皓兒（Joey）在2007年參選香港小姐進入八強，雖未能問鼎三甲之列，但亦成功以芳齡18歲與無綫簽約成為藝人。近年香港小姐被無綫力捧，當選後即可入劇組甚至擔任女主角，Joey直認羨慕：「希望將來有機會可以好似佢哋咁多幕前演出，但我都會留意佢哋究竟有咩優點值得自己去學習。」從事演藝事業的同時，Joey在過去三年更自費修讀工商企業管理學士學位，期間雖不斷為平衡學業及事業的時間而捨棄工作，但當獲邀加入無綫劇集《梟雄》後，她不惜延遲畢業時間，為向同劇的男主角黃秋生及黎耀祥偷師：「齋聽都知學到好多嘢，咁近距離欣賞秋生哥（演技）更加係機會難得。」

即使Joey在《梟雄》飾演的小玉只屬閒角，她沒因此敷衍了事，反而投入其「妹仔」角色，由心而發的表情終獲秋生稱讚，Joey受寵若驚：「佢話：『呢個?妹，有戲㗎喎！』我對白唔多佢都留意到我，係一個好大嘅鼓勵！」就算她自知在秋生眼中只是個「?妹」，但她對秋生深表感激：「佢對我哋呢啲新人真係好照顧，例如有啲場口，佢會同我話呢啲位有機會發揮，呢啲時間係我哋嘅。」

場地：唐宮小聚