TV K&Q:陳煒大比數拋離宿敵萬綺雯

20151207
東網電視
更多新聞短片
呢個比數,算唔算意料之外呢?
緊貼娛樂圈消息嘅《東網巨星》App,上周一於《東網巨星》facebook推出《東網民選TV King & Queen》投票活動,截至今晚七點,陳展鵬與鍾嘉欣繼續以大比數拋離對手,穩守視帝視后寶座。
陳展鵬鍾嘉欣一日升幅近千票
視帝方面,獲勁多粉絲支持兼不停於《巨星》投票專頁留言力撐嘅陳展鵬,票數持續上升,憑《張保仔》以4,581票高踞「TV King」榜首;至於同樣勁多粉絲力撐嘅鍾嘉欣,佢憑《華麗轉身》贏得3,134票數。值得留意嘅係,佢哋同尋日比較,分別升咗805票同835票,足證二人經過一個星期投票後,走勢依然強勁,睇嚟佢哋嘅「民選視帝」、「民選視后」寶座,並唔係咁易被動搖。
張繼聰秋生走勢放緩
相比起TV King,張繼聰同黃秋生嘅走勢就開始疲弱,張繼聰憑《收規華》上升咗13票,以最新票數745票繼續穩佔第二;同樣由一開始就進據第三名嘅秋生,就比尋日多咗14票,以最新408票繼續守住佢嘅季軍寶座。
視后方面,一直追住鍾嘉欣唔放嘅胡定欣,票數方面都有戲劇性嘅增長,佢憑《鬼同你OT》由尋日嘅1067票,彈咗去1525票,增長有成458票,絕對有潛力同嘉欣爭一日長短。至於第三位嘅《梟雄》嘅陳煒,佢就比尋日嘅712票多咗19票,最新票數係731票。
增設拉票片
而為咗增加新鮮感,同埋令到投票氣氛更熱熾,由今日開始,呢個投票活動將增設各大視帝視后拉票片段,當中最令人難忘嘅,包括有楊怡講到拍《收規華》嗰陣,雖然係大冷,但張繼聰就要一直被淋水,令到全組人都唔忍心,齊心為佢加油。另外,姚子羚就最難忘剝淨T-BACK床戰黃智賢,聽落都好香艷。欲知更多詳情,同埋想睇各大候選人親自拉票,當然要快啲去兩大專頁投票啦!
 
投票方法
為咗大家投票投得更得心應手,呢個時候再講一次投票方法,只需去「東網民選TV King」同「東網民選TV Queen」專頁,喺心水視帝視后Profile度畀Like,就已經投出神聖一票。呢個票最正係,完全不設上限,只要你覺得好戲嘅,都可以畀Like。為撐自己嘅水心視帝視后,仲唔快啲去投票!
緊貼娛樂圈消息嘅《東網巨星》App,於《東網巨星》facebook推出《東網民選TV King & Queen》投票活動。投票競爭激烈,想心水藝人獲得佢哋應得嘅民選視帝、視后,就快啲去以下兩個專頁投票啦!
投票連結:
「東網民選TV King」專頁 http://goo.gl/LKnaWu
「東網民選TV Queen」專頁 http://goo.gl/HXMu7J