恨攞台慶獎！王浩信感謝Bobby激發潛能

台慶頒獎禮即將舉行，兩線台慶劇《東坡家事》與《樓奴》引來極大迴響，帶挈劇中演員人氣急升，當中，王浩信的演技大獲好評，成為「最佳男配角」大熱人選，王浩信更不諱言恨攞獎，再嘗奪獎滋味！

王浩信分別憑台慶劇《東坡家事》和《樓奴》提名《萬千星輝頒獎典禮2015》的「最佳男配角」及「最佳男主角」，曾於2013年勇奪「飛躍進步男藝員」的他直言「食過番尋味」，可謂恨攞獎恨到出汁：「攞獎真係對演員好大肯定，呢個肯定都係需要嘅，好多時演戲對我哋嚟講，未必有清晰嘅準則，獎項係會縮窄自己尋覓嘅方向。」相比視帝寶座，王浩信坦言奪「男配」的信心更大，面對一眾好戲對手，包括《華麗轉身》王梓軒、《張保仔》陳山聰等，他自言贏在有好拍檔：「我好鍾意自己嘅對手Bobby（歐陽震華），佢激發咗我體內嘅小宇宙。」

場地：香港九龍東皇冠假日酒店