陳慧琳出「撩陰腿」　排舞師：唔止一次

歌手陳慧琳（Kelly）最近為月底舉行的《陳慧琳let's celebrate！世界巡迴演唱會》秘密練兵，她在Facebook上載排舞片段，今次這段舞步由著名排舞師Sunny Wong及另外一名男舞蹈員一前一後托起Kelly，最初先由女舞蹈員Cindy做替身，Kelly從旁參考舞步，期間Cindy不慎碰到「小Sunny」，慘被「拆祠堂」的Sunny大叫「嘩！」一聲，「食花生」的Kelly即笑笑口說：「好彩係Cindy咋。」

踢中要害Kelly耍冧

其後竟然「好嘅唔靈，醜嘅靈」，終於輪到Kelly埋位，當Sunny從後抱起她時，Kelly不慎使出「撩陰腿」踢到Sunny Wong下體，正中男人要害！齋聽Sunny的慘叫聲已深深感受到「男人之痛」，他更一邊以手掩住下體，一邊痛到彈彈吓。尷尬的Kelly惟有賣萌耍冧，對住鏡頭作哭泣狀說：「Sunny喊呀，好慘呀。」

Sunny冇嬲Kelly

事後Sunny接受《東網》電話訪問時仍有餘悸：「嗰吓都幾痛，休息咗成分鐘先冇事，簡直係男人最痛。咁又冇嬲佢嘅，因為Kelly驚，隻腳先會勾咗出嚟，冇心嘅。同佢排咗幾個月，已經畀佢『Hi』到嗰個位好多次，但咁應真係第一次。」問到可有影響如廁？他說：「休息一陣就冇事，我有舞功底子，除咗嗰度傷，其他筋骨都傷過啦，冇問題嘅！」

緊貼娛樂圈消息嘅《東網巨星》App，於《東網巨星》facebook推出《東網民選TV King & Queen》投票活動。首日投票競爭激烈，想心水藝人獲得佢哋應得嘅民選視帝、視后，就快啲去以下兩個專頁投票啦！

投票連結：

「東網民選TV King」專頁 http://goo.gl/LKnaWu

「東網民選TV Queen」專頁 http://goo.gl/HXMu7J