TV K&Q:陳展鵬鍾嘉欣贏成條街

20151208
東網電視
更多新聞短片
戰況真係好激烈!
最強娛樂資訊App《東網巨星》舉辦的《東網民選TV King&Queen》啟動以來,已吸引了大批粉絲於《東網巨星》Facebook投票和瀏覽,各人票數和瀏覽量每日有不同變化,令戰況更為白熱化。四大票王票后昨晚亦親身站出來拉票,「視帝」票數暫時領先的陳展鵬表示:「《東網》嘅朋友你哋好,今年我係憑住《張保仔》電視劇而提名最佳男主角,如果大家都鍾意《張保仔》入面十一貝勒呢個角色,有情有義,鐵漢柔情嘅感覺,就投我一票啦,多謝!」而暫屈居第二的張繼聰,同樣落力呼籲:「投『民選視帝』記得投我一票,我係收規華。如果我當選嘅話,承諾大家會孝順父母!」
定欣力谷「神同步」
「視后」競爭同樣激烈,暫時票數領先的鍾嘉欣表示:「希望你哋會投我一票成為『民選視后』啦。如果我當選嘅話,真係會好開心,就係咁簡單,好多謝你哋咁錫我,我希望繼續做多啲好戲畀大家睇。唔經唔覺已入行11年,拍過好多角色,相信大家都記得,今次喺《華麗轉身》飾演港女,喜劇感好重、節奏感都好豐富。其實乜嘢係我最喜愛嘅女主角或視后呢?就係你最鍾意睇嗰個女演員,如果你鍾意鍾嘉欣、令你哋開心快樂呢,就投我一票啦,多謝你哋!」
暫屈居第二的胡定欣,亦不敢怠慢向粉絲拉票:「大家快啲上《東網》投選你心目中嘅視帝視后啦。記得投我一票呀,今次《鬼同你OT》最值得大家投票梗係『神同步』啦,都要投埋田蕊妮,記得呀!」
粉絲瀏覽量反勝
截至昨晚八時最新票數和瀏覽走勢,貴為馬來西亞及新加坡雙料「視帝」的展鵬依然氣勢如虹,票數暫領先獲4,581票,瀏覽量逾一萬人次,若成功奪得「東網民選視帝」的話,將成為大滿貫三料「視帝」。而票數被展鵬大大拋離,得745票暫居第二位的張繼聰,其瀏覽量卻比陳展鵬高,逾1.2萬人次。「視后」方面,鍾嘉欣依然領先,以3,175票登首位,瀏覽量更衝破7.8萬人次。僅次其後的胡定欣票數1,529票,瀏覽量接近一萬人次。
張繼聰戥展鵬開心
展鵬得知票數暫時領先,開心表示:「多謝《東網》讀者同一路支持我嘅粉絲支持。好多粉絲默默支持咗我好耐,呢個數係佢哋一直支持我、投票畀我嘅成績。證明我十幾年拍戲每個角色、努力係冇白費。獎項係重要,但背後最重要有佢哋,有佢哋我先有呢個機會。」屈居第二、票數相差展鵬約六倍的張繼聰說:「戥陳展鵬開心,證明佢喺無綫咁耐累積咗好多粉絲,大家係好兄弟。」對於其瀏覽量力壓展鵬,他說:「無話力唔力壓,多謝大家支持。不過我懷疑佢粉絲參與人數好多,順便過嚟睇吓我演出,再投番票畀展鵬。」他表示平常心看待獎項,認為展鵬、黃秋生、黎耀祥和歐陽震華亦是值得拿獎的人。
暫時領先「視后」的鍾嘉欣開心表示:「多謝網民支持,衷心多謝佢哋,努力咁多年得到大家認同,今年有信心,天時地利人和,播放時間有影響,keep住平常心面對,唔會強求獎項,多謝大家鼓勵同支持,會繼續畀心機,希望成為大家心目中最喜愛演員!」
最強娛樂APP《東網巨星》,推出全新遊戲節目《巨星放題》,前八集有謝安琪同陳奕迅擔任星級主持發問IQ題,嚟到最新一集,亦即係第八集準決賽,再有張敬軒加盟做星級考官,淨係「考官」卡士都夠晒強勁。呢集嘅參賽者有張繼聰、「蝦頭」楊詩敏及陳瀅,到底最後邊兩個可以爭取到決賽席位?快啲去《東網巨星》App收睇啦!
《東網巨星》App下載連結
Android App - http://goo.gl/GqQlC2