張繼聰開騷前晒Fit爆Body

20151208
東網電視
更多新聞短片
真係人魚線馬甲線六舊腹肌樣樣齊呀!
人妻謝安琪(Kay)早前為慈善性感大解放,以性感姿態施展扭腰和趷籮等誘人舞姿籌款,身為老公嘅張繼聰冇呷醋不特止,仲大讚老婆跳得Sexy!不過唔好以為淨係得Kay夠索,其實張繼聰自己都為嚟緊《I'M OK LIVE CONCERT》個唱操得一身爆肌,仲頻頻post相上網晒成果!
今日,佢又再上載咗一張自拍嘅爆肌相上網,同之前一樣,人魚線馬甲線六舊腹肌樣樣齊,不過有一點唔同,就係佢終於冇用電話遮住個靚仔樣喇!佢仲留言話:「仲有四日開show! 嚟料!I am ok!」兩公婆一個型,一個索,唔怪之得連黃翠如都忍唔住轉發留言:「你倆公婆想輪住殺四(死)人咩!」咦…唔知翠如BB會唔會叫埋男友蕭正楠練到咁大隻呢!