謝雪心大讚陳展鵬做戲夠到位

資深藝人謝雪心接受電台訪問，她提到年輕時是游泳隊成員，每年都會出埠比賽：「爆炸力嗰啲冇我份，但我游背泳成日攞冠軍。」她又謂2004年有份做奧運游泳項目的旁述，算是對當年的游泳教練有交代。提到她在劇集《張保仔》中飾演的淳貴妃大獲好評，謝雪心表示自己飾演每個角色都會享受其中，又大讚劇中最多對手戲的陳展鵬：「佢都做得好好，所以同佢對戲可以好到位！」問到是否會視乎劇本而接劇？她說：「我好鍾意做嘢，係工作狂，公司畀咩我就做咩。」