昆凌復工拍戲 首吊威吔唔識驚

20151209
東網電視
更多新聞短片
昆凌復工拍戲,雖然首次吊威吔,但佢睇嚟好開心喎!
台灣天王周杰倫(周董)老婆昆凌自誕下「小周周」後,一直停工專心照顧囡囡,產後極速收身嘅佢最近終於復工,仲喺網上自爆為新戲而首次吊威吔!
昆凌尋晚喺社交網站上分享拍攝花絮,雖然係第一次,但見工作人員幫佢配上裝備時都笑晒口,似乎興奮多過驚喎,認真藝高人膽大!佢仲咁留言話:「鋼絲武打初體驗!」唔知效果係點呢?
而且仲有網民留意到,點解昆凌頭上會有條草嘅呢?唔通係新戲造型?