王浩信冇計劃開公司　否認拉苟芸慧過檔

藝人王浩信現時備受無綫力捧，機會不斷，而苟芸慧（苟姑娘）現時亦慢慢回復狀態，逐漸復工，但就有報道指王浩信會開經理人公司，更簽苟芸慧為旗下藝人。對此，王浩信笑言報道實在太抬舉，當然亦不是事實，他接受《東網》獨家訪問時謂：「第一，我一定唔會做同依家公司有所違背嘅嘢，第二，自己亦未有咁嘅計劃，依家會專注自己演藝事業上，而且我同公司仲有合約，我同苟姑娘之前一齊拍劇好開心，希望佢愈來愈順利。」

苟芸慧想北上掘金

至於苟芸慧接受獨家訪問時亦坦言報道很奇怪，她謂：「我都唔係好清楚發生乜嘢事，亦都冇聽過浩信講過會開經理人公司，我依家想試一啲唔同嘅工作，自己國語同英文都好好，有機會都想朝住大陸發展，依家幫公司做緊啲節目主持工作，都好充實呢！多謝大家咁關心我工作上嘅發展。」