高海寧美國有艷遇 互相「抄牌」

20151209
東網電視
更多新聞短片
高海寧就話驚異地戀難維繫,不過佢個樣好似講得幾開心咁喎!
藝人高海寧(高Ling)出席無綫J2節目《Let's Go!兄弟幫1500集》慶祝派對,剛從美國返港的她透露,此趟到溫哥華登台之餘,順道往美國探望中學同學一家,又坦言獲對方介紹男仔認識,她說:「佢老公開餐廳,去佢餐廳食飯都有叫咗班朋友嚟。(有睇啱?)好遠呀!(異地戀)。(覺得啲男仔okay?)Okay嘅,識講少少中文,起碼溝通得好啲,但我覺得(異地戀)難維繫。(有交換電話?)有呀,對方有send吓相嚟,係我哋嘅合照。」雖然未試過異地戀,但高Ling表示前度曾到外國讀書,導致兩人感情中斷。
望莊思敏王宗堯和好
提到好姊妹莊思敏與王宗堯的罵戰,女方被寸欠專業猶如「老臨」,高Ling認為是二人之間的問題,自己則不方便加把口作評論,更不想被指「抽水」,她希望兩人盡快和好與平息,並謂:「我覺得每個演員都應該受尊重,不論臨記。」高Ling又指莊思敏未有向她訴苦,更大讚對方:「佢好叻、好識得處理呢啲嘢,見佢喊都好愕然,因為佢平時感覺好堅強、好大家姐咁,見佢喊得咁委屈都戥佢唔開心。」